არტემ ვართანოვი

დაბადების ადგილი: ქ. თბილისი.

დაამთავრა თბილისის რეალური სასწავლებელი, საარტილერიო სასწავლებელი, ოფიცერთა საარტილერიო სკოლა, მიხეილის საარტილერიო აკადემია.

1872 წლიდან მსახურობდა საარტილერიო ნაწილებში. მონაწილეობდა რუსეთ-ოსმალეთის (1877–1878) ომში. 1898–1904 წლებში მეთაურობდა კავკასიის არმიის საარტილერიო პოლკს, 1907–1908 წლებში მე-16 საარტილერიო ბრიგადას. 1907 წელს მიენიჭა გენერალ-მაიორის წოდება. მონაწილეობდა I მსოფლიო ომში. 1915–1916 წლებში იყო მე-14 საარტილერიო კორპუსის ინსპექტორი, შემდეგ–I არმიის არტილერიის ინსპექტორი. რუსეთის იმპერიის არმიის გენერალ-ლეიტენანტი (1913). გარდაიცვალა ვარშავაში.

წყარო: საქართველო: ენციკლოპედია: ტ.III.–თბ., 2014. გვ.175

• წმინდა ვლადიმირის ორდენი
• წმინდა სტანისლავის ორდენი
• წმინდა ანას ორდენი