სერგო განუგრავა

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ავტომაგისტრალებისა და საქალაქო გზების მშენებლობის სპეციალობით 1954 წელს.

მუშაობდა საპროექტო ინსტიტუტ "სახგაზპროექტის" თბილისის ფილიალში (1975 წლიდან - "თბილსახავტოგაზპროექტი") ინჟინრად, 1954-1972წწ. შუალედურ თანამდებობებზე; 1972-2002წწ. პროექტის მთავარ ინჟინრად; მონაწილეობდა ტაშკენტ-კოკანდისა და ტაშკენტ-გოლოდნაია სტეპის (უზბეკეთის სსრ), ფრუნზე-ოშის (ყირგიზეთის სსრ), დუშანბე-ხოროგის (ტაჯიკეთის სსრ), კუშკა-გერატ-ყანდაგარისა და კუნდუზ-ფაიზაბადის ავტომაგისტრალების (ავღანეთი) საველე საკვლევ-საძიებო და საპროექტო=სამშენებლო სამუშაოებში, "ნოვოროსიისკი-თბილისი-ბაქოს" ავტომაგისტრალისა და სოჭის შემოსავლელი საავტომობილო გზის მშენებლობაში; არის "ტაშკენტ-გოლოდნაია სტეპის" (უზბეკეთის სსრ) ჯიზაკის მონაკვეთის, "ფოთი-სუფსა-ნატანების" (ახალი ხიდის მდ. ჩოლოქზე) და "ზაჰესი-ნატახტარის" საავტომობილო გზების რეკონსტრუქციის პროექტის ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.121