შალვა გარდაფხაძე

დაბადების ადგილი: სოფელი თეკალი, ლენტეხის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1935 წელს.

მუშაობდა სამთო-სამშენებლო სამმართველოს უფროსის მოადგილედ, საშენ მასალათა სამმართველოს უფროსად, ცეცხლგამძლე ნაწარმის ქარხანა "შროშის" დირექტორად, ზესტაფონის ფეროშენადნობთა ქარხნის კაპიტალური მშენებლობის განყოფილების უფროსად, ტრესტ "საქნავთობის" მმართველის მოადგილედ; 1941-1944წწ. იბრძოდა ყირიმის, ჩრდილოეთ კავკასიისა და უკრაინის ფრონტებზე საბჭოთა არმიის მოქმედი ნაწილების შემადგენლობაში; ომის შემდეგ წლებში სათავეში ედგა ტრესტ "ტყვარჩელქვანახშირს", ხელმძღვანელობდა სამშენებლო ტრესტ "საქშახტმშენის" ესენტუკის სამშენებლო სამმართველოს; 1956-1970წწ. მუშაობდა საქართველოს მშენებლობის სამინისტროს N7 სამშენებლო ტრესტ "საქშახტმშენის" მმართველად; მისი ხელმძღვანელობის პერიოდში ტრესტი დაჯილდოვდა "შრომის წითელი დროშის" ორდენით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.122

• აფხაზეთის ავტონომიური რესპუბლიკის უმაღლესი საბჭო, დეპუტატი
• ესენტუკის საქალაქო საბჭო, დეპუტატი
• თბილისის საქალაქო საბჭო, დეპუტატი
• ტყვარჩელის საქალაქო საბჭო, დეპუტატი

• სამამულო ომის II ხარისხის მედალი
• წითელი ვარსკვლავის მედალი
• საპატიო ნიშნის ორდენი
• შრომის წითელი დროშის ორდენი
• საქართველოს დამსახურებული ინჟინერი