ლევ ვლადიმიროვი

დაბადების ადგილი: ქ. ალექსანდროპოლი, ახლანდელი გიუმრი, სომხეთი.

დაამთავრა ერევნის პოლიტექნიკური ინსტიტუტი 1931 წელს.

1945–1958 წლებში იყო საქართველოს მეცნიერებათა აკადემიის ვახუშტის სახელობის გეოგრაფიის ინსტიტუტის უფროსი მეცნიერი-თანამშრომელი, 1958–1980 წლებში ჰიდროლოგია-კლიმატოლოგიის განყოფილების ხელმძღვანელი, 1980–1989  წლებში პროფესორ-კონსულტანტი. ლევ ვლადიმიროვმა დაამუშავა მთიანი მხარეების მდინარეთა ჩამონადენის, მდინარეთა საზრდოობის, წყლის ბალანსის გაანგარიშებისა და ჰიდროლოგიური დარაიონების მეთოდები, მოგვცა საქართველოს კარსტული წყლების კლასიფიკაცია. მისი შრომები გამოყენებულია საქართველოს ენერგეტიკისა და საირიგაციო ნაგებობათა დაპროექტებაში. გეოგრაფ-ჰიდროლოგი, გეოგრაფიის მეცნიერებათა დოქტორი (1965), პროფესორი (1966).

წყარო: საქართველო: ენციკლოპედია: ტ.III.–თბ., 2014. გვ.283

• 1993 - ალექსანდრე ჯავახიშვილის სახელობის პრემია (გარდაცვალების შემდეგ)
• 1976 - საქართველოს მეცნიერებათა დამსახურებული მოღვაწე
• 1971 - საქართველოს სახელმწიფო პრემია
  "საქართველოს სსრ ატლასის" შედგენაში მონაწილეობის მიღებისათვის(1964)

• საქართველოს მდინარეები და მათი სახალხო-სამეურნეო მნიშვნელობა (ავტორი). - თბილისი, 1957. - 43გვ.