ივანე გაჩეჩილაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1967 წელს, 1983 წელს - სახალხო მეურნეობის მართვის ინსტიტუტი.

1967-1969წწ. მუშაობდა საპროექტო ინსტიტუტ "თბილჰიდროპროექტში" სპეცსამუშათა განყოფილების ინჟინრად; 1969-1973წწ. საქართველოს მშენებლობის სამინისტროს ტრესტ "მშენინდუსტრიის" N1 რკინაბეტონის ნაკეთობათა ქარხანაში ტექნიკური განყოფილების უფროს ინჟინრად, ქარხნის მთავარ ტექნოლოგად; 1973-1975წწ. იყო საქართველოს სასოფლო მშენებლობის სამინისტროს ტრესტ "საქსოფლმშენინდუსტრიის" მთავარი ინჟინრის მოადგილე; 1975-1981წწ. ამავე ტრესტის ივრის რკინაბეტონის ნაკეთობათა ქარხნის მთავარი ინჟინერი; 1981-1991წწ. საქართველოს სასოფლო მშენებლობის სამინისტროს ტრესტ "საქსოფლმშენინდუსტრიის" მთავარი ინჟინერი; 1991-2002წწ. მინისტრთა კაბინეტის სახელმწიფო უზრუნველყოფის სამსახურის საპროექტო სამრეწველო-სამშენებლო გაერთიანების და შპს "მერწყულის" (2002-2006წწ.)მთავარი ინჟინერი; 2006-2009წწ. მუშაობდა ტექნიკურ ზედამხედველად შეზღუდული პასუხისმგებლობის საზოგადოებებში "ბიზნეს-ცენტრი ვაჟაზე" და "ჰოლანდიური სახლი"; მონაწილეობდა "ენგურჰესის" საპროექტო დოკუმენტაციის შემუშავებაში, თბილისის სპორტის სასახლის გუმბათოვანი სახურავისა და უნივერმაღ "თბილისის" სართულშუა გადახურვების რკინაბეტონის ნაკეთობებისა და კაჭრეთის, ქუთაისის, მარნეულის, ოჩამჩირისა და ნოსირის წისქვილკომბინატებისთვის ანაკრები რკინაბეტონის კონსტრუქციების წარმოებაში; ასევე, გორისა და ნოსირის სამშენებლო კონსტრუქციების კომბინატების მშენებლობასა და საექსპლუატაციოდ გაშვებაში; პარლამენტის შენობის, ყველა სამთავრობო რეზიდენციისა და სააგარაკო ზონის სამშენებლო-სარეკონსტრუქციო და კაპიტალური შეკეთების სამუშაოებში; 72 და 108-ბინიანი ცხრასართულიანი მსხვილბლოკური სახლების (ნუცუბიძის მე-4 მ/რაიონში), ასევე, სამი თვრამეტსართულიანი კორპუსის მშენებლობაში; არის ორი სამშენებლო გამოგონების ავტორი, აქვს საქართველოს პატენტი (N132) გამოგონებაზე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.125-126