იუსტინე კალანდაძე

დაბადების ადგილი: სოფელი ხიდისთავი, გურია.

სწავლლობდა სენაკის სასულიერო სასწავლებელში, შემდეგ სემინარიაში.

ბავშვობიდანვე მონაწილეობდა სასკოლო გუნდებში, ხოლო სემინარიაში სწავლის დროს, კორნელი მაღრაძის დავალებით ქუთაისის სასწავლებლის გუნდს ლოტბარობდა; ოცი წლის ასაკიდან შეუდგა პედაგოგიურ მოღვაწეობას, ასწავლიდა სკოლებში, უმთავრესად სიმღერა-გალობას; კორნელი მაღრაძის დახმარებით დაეუფლა სანოტო სისტემას; თავისუფლად შეეძლო სიმღერების ნოტებზე გადაღება, რასაც იგი ხანგრძლივი პედაგფოგიური მოღვაწეობის პერიოდში მონდომებით ასრულებდა; 1924 წლამდე კოტე ფოცხვერაშვილის გვერდით ხანგრძლივად მუშაობდა გუნდის სოლისტად, მასწავლებლად და ლოტბარად; შემდეგ დიდხანს ხელმძღვანელობდა საქართველოს პროფსაბჭოს ოთხხმოვან გუნდს; ეს გუნდი ხშირად მართავდა კონცერტებს თბილისში და მის გარეთაც; დიდი ხნის განმავლობაში მუსიკოს დანოვსკისთან ერთად ხელმძღვანელობდა განათლების სამინისტროს პედაგოგიური კაბინეტის ქართული მუსიკის სექტორს და პარალელურად ამავე სამინისტროში ასრულებდა საზოგადოებრივი ინსტრუქტორის მოვალეობას სიმღერა-გალობის დარგში; 1945 წლიდან საინგილოში ქართული სკოლების დაარსების შემდეგ სამი წლის განმავლობაში ხელმძღვანელობდა ამ მხარეში მივლინებულ ქართველ მასწავლებელთა ბრიგადას, რომელმაც მნიშვნელოვანი მუშაობა გასწია ინგილო ახალგაზრდობას შორის; სიცოცხლის ბოლო წლებში მოღვაწეობდა თბილისის იაკობ გოგებაშვილის სახელობის სახელმწიფო პედაგოგიურ სასწავლებელში, თან განაგრძობდა ქალაქის სკოლების მეთოდისტად მუშაობას; ლოტბარი.

წყარო: ხალხური სიმღერის მოამაგენი.-თბ., 2007.-გვ. 117

• ლენინის ორდენი
• საქართველოს დამსახურებული პედაგოგი