იროდი კალანდია

დაბადების ადგილი: სოფელი ნოღა, ზუგდიდის რაიონი.

სწავლობდა სოხუმის ქართულ ცხრაწლედში.

ჯერ კიდევ სკოლამდელი ასაკის იყო, როცა გატაცებით მღეროდა, ცეკვავდა და მსახიობებს ბაძავდა; ცხრაწლედში სწავლის დროს დაესწრო ძუკუ ლოლუას მომღერალთა გუნდის კონცერტებს, რამაც უფრო გაუღრმავა სიმღერით გატაცებულს ხელოვნებისადმი მიდრეკილება; არდადეგების დროს, როცა ზუგდიდში მშობლებს ჩააკითხავდა, გალაქტიონ ჭელიძის გუნდის კონცერტებს ისმენდა, ამან განაპირობა მთელი მისი მომავალი მოღვაწეობა; თვრამეტი წლის ასაკიდან გუნდის ლოტბარი იყო და ამავე დროს რეჟისორი და მსახიობი; თავდაპირველად თავისი შესაძლებლობა სკოლებში მოსინჯა; მშობლიურ ზუგდიდში დანიშნეს თეატრის დირექტორად; რაიონში მრავალგან ჰყავდა საკოლმეურნეო გუნდები; ასე იმუშავა 20 წელი; მიიწვიეს ფოთის ანსამბლის ხელმძღვანელად, რაც დიდ პატივად მიიჩნია; 1938 წელს ანსამბლი გადაახალისა და შემდეგ თბილისში მეხუთე რესპუბლიკურ ოლიმპიადაზე ბრწყინვალე გამარჯვება მოიპოვა(პირველი ადგილი); სამი წლის მანძილზე ბევრი რამის გაკეთება მოასწრო ფოთის ანსამბლის წინსვლისა და გაძლიერებისათვის; შენმდეგ ისევ ზუგდიდის თეატრს დაუბრუნდა; მრავალი პიესა და სცენა დადგა ზუგდიდის კლუბში და რაიონის კულტსახლებში; თუმცა მისი საყვარელი საქმე მაინც ლოტბარობა იყო, ამიტომ, 1947 წლიდან, კიწი გეგეჭკორის შემდეგ, დაინიშნა ზუგდიდის ანსამბლის ხელმძღვანელად; ის თვითმოქმედი კომპოზიტორი იყო; ცნობილია მისი სიმღერები გმირებზე - ჩილაჩავას და სხულუხიაზე, საფანდურო კუპლეტები და შაირები, აგრეთვე მრავალი საყოფაცხოვრებო სიმღერა; ლოტბარი.

წყარო: ხალხური სიმღერის მოამაგენი.-თბ., 2007.-გვ. 118

• 1951 - საქართველოს ხელოვნების დამსახურებული მოღვაწე