ამირან გაწერელია

დაბადების ადგილი: ქ. თბილისი.

დაამთავრა საქართველოსწ პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1952 წელს.

1953-1965წწ. მუშაობდა ქ. ბაქოში, საზღვაო-სანავთობო მშენებლობის ტრესტში ოსტატად, სამუშაოთა მწარმოებლად, უბნის უფროსად, სამმართველოს მთავარ ინჟინრად, უფროსად; 1967 წელს დაინიშნა აზერბაიჯანის სამრეწველო საწარმოთა მშენებლობის ტრესტის მთავარი ინჟინრის თანამდებობაზე; 1969 წელს დაბრუნდა სამშობლოში და დაინიშნა სამშენებლო ტრესტ "ალაზანმშენის" მთავარ ინჟინრად; 1971-1975წწ. სამშენებლო ტრესტ "კოლხეთმშენის" უფროსი იყო, შემდგომ კი - საქართველოს სოფლის მეურნეობის სამინისტროს სპეც. სარემონტო სამუშაოების ტრესტის მმართველის მოადგილე. ასევე, იმავე სამინისტროს N1 სამშენებლო ტრესტის მმართველი; 1982 წლიდან იყო სამშენებლო ტრესტ "საქჰიდროენერგომშენის" მთავარი ინჟინრის მოადგილე. მოგვიანებით კი, ტრესტის რეორგანიზაციასთან დაკავშირებით დაინიშნა საწარმოო-ტექნიკური სამსახურის უფროსად; 1988 წელს მივლინებული იყო ანგოლაში "კაპანდაჰესის" მშენებლობაზე სპეც. სამშენებლო სამმართველოს უფროსად, სადაც 3 წელი იმუშავა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.126

• ანგოლის რესპუბლიკის "მეგობრობის" ორდენი
• შრომის წითელი დროშის ორდენი