ვსევოლოდ ზენკოვიჩი

დაბადების ადგილი: ქ. მოსკოვი.

სსრკ მეცნიერებათა აკადემიის ოკეანოლოგიის (1944–1971) და გეოგრაფიის (1971–1974) ინსტიტუტების ზღვის სანაპირო ზონის ლაბორატორიის გამგე. 1975–1990 წლებში მუშაობდა ვახუშტი ბაგრატიონის სახელობის გეოგრაფიის  ინსტიტუტში, ხელმძღვანელობდა შავი ზღვის სანაპირო ზონის მორფოლოგიური და დინამიკის ლაბორატორიას. მისი ინიციატივით ჩამოყალიბდა შავი ზღვის სანაპიროს შემსწავლელი ქართული სკოლა. 1991 წლიდან კვლავ გადავიდა მოსკოვში. ვსევოლოდ ზენკოვიჩს  დიდი წვლილი მიუძღვის ზღვის სანაპირო ზონის შესწავლაში, მის მიერ შემუშავებული და დანერგილია კვლევის მრავალი ახალი მეთოდი, დადგენილია სანაპირო ზონაში მიმდინარე თანამედროვე პროცესების კანონზომიერებანი და სხვ. ავტორია მრავალი სამეცნ. ნაშრომის და 50-მდე სამეცნიერო-პოპულარული წიგნისა. ოკეანოლოგი და გეომორფოლოგი. გეოგრაფიულ მეცნიერებათა დოქტორი (1943), პროფესორი (1947).

წყარო: საქართველო: ენციკლოპედია: ტ.III.–თბ., 2014. გვ.356

• საერთაშორისო გეოგრაფიული კავშირის ზღვის ნაპირთა შემსწავლელი კომისია, წევრი (1960-)
• ზღვის ნაპირების მკვლევართა საერთაშორისო საზოგადოება, წევრი (1976-)

• 1964 - ლენინური პრემია
• 1958 - სსრკ გეოგრაფიული საზოგადოების თ. ლიტკეს სახელობის ოქროს მედალი
• 1956 - სსრკ სახალხო მეურნეობის მიღწევათა გამოფენა (ВДНХ) (დიდი ვერცხლის მედალი )
• 1951 - სტალინური პრემია