მარიკა გელაშვილი

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტი არქიტექტურა-ქალაქმშენებლობის სპეციალობით 1968 წელს; ვაშინგტონის (აშშ) სტრატფორდის ინსტიტუტი ლანდშაფტის მოწყობის სპეციალობით 2002 წელს.

ორი ათეული წლის განმავლობაში მუშაობდა სახელმწიფო საპროექტო ინსტიტუტ "საქქალაქმშენსახპროექტის" საქართველოს ტერიტორიული დაგეგმარების განყოფილებაში; ბორჯომის დეტალური დაგეგმარების პროექტის შემუშავების პარალელურად, იყო ქ. ბორჯომის მშენებლობისა და არქიტექტურის საქმეთა სამმართველოს უფროსის მოადგილე (1991-1995წწ. ), 1995 წლიდან საქართველოს პარლამენტის აპარატის მთავარი სპეციალისტ-კონსულტანტი; 2002-2004წწ. მუშაობდა შპს "ნავთობ-სამეცნიეროს" საპროექტო განყოფილების, ხოლო მოგვიანებით - შპს "მწვანე თითების" არქიტექტორად; მონაწილეობდა საქართველოს არაერთი ქალაქის გენერალური გეგმისა და რაიონული დაგეგმარების პროექტების შემუშავებაში; არის თერჯოლის გენერალური გეგმის, თერჯოლის, ცაგერის, ყვარლის, ხაშურის, ვანის, ქედის რაიონული და ბორჯომის ცენტრის დეტალური დაგეგმარების პროექტების ავტორი; არის ბორჯომის რაიონში მწვანეთა მოძრაობის დაფუძნების ორგანიზატორი;მ უშაობს ბუნების დაცვის მსოფლიო ფონდის (WWF) დედამიწაზე ეროვნული პარკების შექმნის ხელშემწყობ რეგიონულ ჯგუფში, გერმანელ სპეციალისტებთან ერთად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.132

• საქართველოს არქიტექტორთა და ურბანისტთა კავშირი , წევრი