როსტომ გელაშვილი

დაბადების ადგილი: სოფელი ლიჩი, საჩხერის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1958 წელს.

1958-1959წწ. მუშაობდა სამხედრო სამშენებლო სამმართველოში (სამხედრო ნაწილი N10076), სამშენებლო ტრესტ "ამიერკავკასტრანსმშენის" N133 სამშენებლო სამმართველოში - ინჟინრად; 1959-1965წწ. უფროს ინჟინრად; 1965-1976წწ. სამმართველოს მთავარ ინჟინრად; 1976-1980წწ. სამმართველოს უფროსად; 1981-1982წწ. სოხუმის სახლსაშენი კომბინატის ქარხნის დირექტორად; უშუალოდ მონაწილეობდა ტყვარჩელის რკინიგზის "კვეზანი-აკარმარას" ხაზის, სოხუმის აეროპორტის, რესპუბლიკური ტუბსაავადმყოფოს კომპლექსის (გულრიფშში), 12000-ადგილიანი დასასვენებელი სახლისა და 250-ადგილიანი პიონერთა ბანაკის (აგუძერაში), საქართველოსა და აფხაზეთის მინისტრთა საბჭოების დასასვენებელი სახლების (სოხუმის დენდროპარკში), საშუალო სკოლების, საცხოვრებელი სახლების (სოხუმში), რკინიგზის დასახლების, სანატორიუმის (გაგრაში), გუდაუთის საკალმახე მეურნეობის, სოხუმის ექსპერიმენტული პათოლოგიისა და თერაპიის კვლევითი ინსტიტუტის, მაიმუნსაშენის (ტამიშში) მშენებლობასა და სოხუმი-ადლერის რკინიგზის ელექტროფიცირებაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.132