ლუკა ჭელიძე

დაბადების ადგილი: სოფელი ბუგეული, ამბროლაურის რაიონი.

დაამთავრა თბილისის სახელმწიფო უნივერსიტეტი 1932 წელს; ასპირანტურა 1933 წელს.

1926 წელს ქ. ონის ცხრაწლედის დამთავრებისთანავე დაინიშნა სოფელ სხვავის (ამბროლაურის რაიონი) შვიდწლიანი შრომის სკოლის ბუნებისმეტყველებისა და ფიზიკის მასწავლებლად; 1933 წლიდან მუშაობას იწყებს ქუთაისის პედაგოგიურ ინსტიტუტში; 1935-1937წწ. მივლინებულ იქნა ქ. მოსკოვში, სსრკ-ის მეცნიერებათა აკადემიის ზოგადი და არაორგანული ქიმიის ინსტიტუტში; 1937 წელს ქუთაისის პედაგოგიურ ინსტიტუტში დაინიშნა არაორგანული ქიმიის კათედრის გამგედ, სადაც 25 წლის განმავლობაში ნაყოფიერად მუშაობდა სამეცნიერო-პედაგოგიური ბაზის განსამტკიცებლად; იმავე წელს დაინიშნა ქუთაისის პედაგოგიური ინსტიტუტის ჯერ დირექტორის მოადგილედ, შემდგომ დირექტორის მოვალეობის შემსრულებლად, 1938 წელს კი დირექტორად (რექტორად), ამ თანამდებობაზე იმყოფებოდა 1962 წლამდე (1937-1962); 1938 წელს დაიცვა საკანდიდატო დისერტაცია სსრ კავშირის მეცნიერებათა აკადემიის არაორგანული ქიმიის ინსტიტუტში და მიენიჭა დოცენტის წოდება; 1962 წლიდან მუშაობდა თბილისის სახელმწიფო უნივერსიტეტში, ხოლო 1966-1970წწ. თბილისის სახელმწიფო უნივერსიტეტის არაორგანული და ზოგადი ქიმიის კათედრის გამგედ; კითხულობდა არაორგანული ქიმიის კურსს ქიმიისა და ეკონომიკის ფაკულტეტებზე; არის 60-დე შრომის ავტორი; მისი ძირითადი შრომები ეძღვნება ბენტონიტური თიხების გამოკვლევას. პროფესორი (1959). 

წყარო: ქართული საბჭოთა ენციკლოპედია: ტ. 11.-თბ., 1987.-გვ.390; აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University / იმერ ბასილაძე, ნესტან კუტივაძე.-ქუთაისი, 2013.-გვ.29-36

• სკკპ, წევრი (1931-)

• სახალხო განათლების წარჩინებულის სამკერდე ნიშანი
• საპატიო ნიშნის ორდენი (2 ორდენი)