მერი ოლშანიცკაია

დაბადების ადგილი: ქ. თბილისი.

სკოლის დამთავრების შემდეგ სწავლა განაგრძო მოსკოვის ა. ლუნაჩრსკის სახელობის თეატრალური ინსტიტუტის სარეჟისორო ფაკულტეტზე.

1949 წლიდან იყო თბილისის მოზარდ მაყურებელთა რუსული თეატრის, ხოლო 1952 წლიდან გრიბოედოვის თეატრის რეჟისორი. მის მიერ დადგმული სპექტაკლებიდან აღსანიშნავია: მოვზონის "კონსტანტინე ზასლონოვი", ზელცერისა და ბორონინას "გამოცდა", ა. ოსტროვსკის "უმზითვო", ა. ალიოშინის "დირექტორი", ლ. უკრაინკას "ქვა მბრძანებელი", ა. საფრონოვის "ერთ ქალაქში", ა. კორნეიჩუკის "მაკარ დუბრავა", ი. იანოვსკის "პროკურორის ქალიშვილი", ვ. როზოვის "მარადიული სიყვარული", ჰ. იბსენის "თოჯინების სახლი", მ. მრევლიშვილის "მგზნებარე მეოცნებე", ლ. მიტროფანოვის "გულები უნდა იწვებოდნენ", ე. დე-ფილიპოსი "ფილუმენა მარტურანო", პანიოლისა და ნივუას "ბატონი ტოპაზი", ი. ჩიჯავაძის "თხუნელა", ვ. დარასელის "კიკვიძე", სპექტაკლი-კონცერტი ა. ჩეხოვის ნაწარმოებებიდან, ი. ჭვჭავაძისადმი მიძღვნილი ფილმი-კონცერტი. პარალელურად მოღვაწეობდა რადიოკომიტეტში, იყო მრავალი რადიოდადგმისა და ინსცენირების რეჟისორი, ხელმძღვანელობდა თვითმოქმედ კოლექტივებს თბილისის კიროვის სახელობის ქარხანაში (1955) და სახელმწიფო უნივერსიტეტში (1954-1956); მოსკოვში ხელმძღვანელობდა თეატრალურ სასწავლებელს.

წყარო: ხელოვნების კალენდარი: თეატრი, მუსიკა, კინო.- თბ., 1995. -გვ.72; გრიბოედოვის სახელობის დრამატული თეატრის პორტალი: griboedovtheatre.ge

• 1960 - საქართველოს ხელოვნების დამსახურებული მოღვაწე