ადიკო გვალია

დაბადების ადგილი: სოფელი მუხური, გალის რაიონი.

დაამთავრა საქართველოს პოლიტექნიკური ინსტიტუტი სამრეწველო და სამოქალაქო მშენებლობის სპეციალობით 1950 წელს.

1951-1952წწ. მუშაობდა ზუგდიდის სარემონტო კანტორაში სამუშაოთა მწარმოებლად; 1952-1957წწ. სოხუმის საქალაქო საბჭოს აღმასკომის სამშენებლო-სარემონტო კანტორაში - მშენებელ ინჟინრად; 1957-1969წწ. ზუგდიდის საქალაქო საბჭოს აღმასკომის კომუნალურ განყოფილებაში - მთავარ ინჟინრად; 1969-1971წწ. ეგურჰესის მშენებლობაზე - მთავარი სამმართველოს სახელშეკრულებო-სახარჯთაღრიცხვო განყოფილების უფროსად; 1971-1999წწ. ენგურჰესის სამოქალაქო და საბინაო მშენებლობის სამმართველოს მთავარ ინჟინრად; 1999 წლიდან ხელმძღვანელობდა ამავე სამმართველოს; უშუალოდ ხელმძღვანელობდა ქ. სოხუმის სამოქალაქო თავდაცვის კაპიტალური ბუნკერის (პიონერთა პარკის ტერიტორიაზე) მშენებლობას; აქტიურად იყო ჩართული სოხუმში, გალსა და კინდღში საცხოვრებელი სახლების, ასევე, ცენტრალური საქვაბე მეურნეობის (თავისი თბოქსელით), კანალიზაციის ქსელის, კაპიტალური კოტეჯებისა და კლუბის მშენებლობაში; მონაწილეობდა ტყვარჩელის თბოელექტროსადგურის რეკონსტრუქციაში და მომსახურე პერსონალისთვის მრავალსართულიანი საცხოვრებელი სახლების აგებაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.136