თენგიზ გველესიანი

დაბადების ადგილი: ქ. რუსთავი.

დაამთავრა საქართველოს პოლიტექნიკური ინსტიტუტი მიმოსვლის გზათა და ხიდების მშენებლობის სპეციალობით 1972 წელს.

1972-1977წწ. მუშაობდა სახელმწიფო საპროექტო ინსტიტუტ "სოიუზდორპროექტის" თბილისის ფილიალში ხელოვნური ნაგებობების განყოფილების ინჟინრად, უფროს ინჟინრად; 1978-1995წწ. იყო საპროექტო ინსტიტუტ "თბილქალაქპროექტის" ხელოვნური ნაგებობების განყოფილების ჯგუფის ხელმძღვანელი და პროექტის მთავარი ინჟინერი; 1997-2001წწ. მუშაობდა ქვემო ქართლის რეგიონის ურბანიზაციისა და მშენებლობის დეპარტამენტის პროექტების ექსპერტიზის სამმართველოს უფროსად, ხოლო 2002-2003წწ. - შპს "პროექტი 2000"-ის სამშენებლო კონსტრუქციების ინჟინერ-კონსტრუქტორად; მისი ავტორობით და მონაწილეობით შესრულებულია მნიშვნელოვანი ობიექტების საპროექტო სამუშაოები, მათ შორის: ხიდები და ხელოვნური ნაგებობები "ადლერი-კრასნაია პოლიანას" საავტომობილო გზაზე, ქ. გაგრის შემოვლითი გზის ხელოვნური ნაგებობები, "ოშხი-ხოროგის" საავტომობილო გზის (ყირგიზეთი, ტაჯიკეთი) ხელოვნური ნაგებობები, "ჩარჯოუ-უმარის" საავტომობილო გზის (თურქმენეთი) ხელოვნური ნაგებობები, "ზაჰესი-კავთისხევი-გორის" წყალგამტარი კომპლექსი, სახიდე გადასასვლელი მდ. მტკვარზე "გლდანი-დიდი დიღმის" შემაერთებელ გზაზე (ქ. თბილისში), სახიდე გადასასვლელი მდ. რიონზე, ჭავჭავაძის ქუჩაზე (ქ. ქუთაისში), სახიდე გადასასვლელი მდ. შულავერზე საქართველოსა და სომხეთის საზღვარზე (მარნეულის რაიონში) და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.137-138