ლევან გველესიანი

დაბადების ადგილი: ქ. ჭიათურა.

დაამთავრა თბილისის რკინიგზის ტრანსპორტის ინჟინერთა ინსტიტუტი 1954 წელს.

1954 წელს დაიწყო შრომითი საქმიანობა განაწილების ადგილზე, ქალაქ ყაზანის რკინიგზის მშენებლობაზე; 1956 წლიდან  საქართველოში დაბრუნების შემდეგ მუშაობა განაგრძო ხაშურის საქალაქო საბჭოს აღმასკომის საგზაო განყოფილებაში; 1958 წლიდან მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენში", შემდეგ კი  - საქართველოს მეცნიერებათა აკადემიის სამშენებლო მექანიკისა და სეისმომედეგობის ს/კ ინსტიტუტში, სადაც ნაგებობათა სეისმომედეგობის აღიარებული ქართული სკოლა გაიარა და ჩამოყალიბდა სერიოზულ მკვლევარ სპეციალისტად; 1968 წელს აირჩიეს საქართველოს პოლიტექნიკური ინსტიტუტის ხიდებისა და რკინაბეტონის კონსტრუქციების კათედრის დოცენტად; 1973 წელს დაინიშნა სამშენებლო ფაკულტეტის დეკანის მოადგილედ; 1976-1984წწ. იყო სამშენებლო ფაკულტეტის დეკანი; 1985-1998წწ. ხელმძღვანელობდა რკინაბეტონის კონსტრუქციების კათედრას; იყო საქართველოს ტექნიკური უნივერსიტეტის პროფესორი, 40-ზე მეტი სამეცნიერო ნაშრომის, ერთი სახელმძრვანელოსა და ხუთი მეთოდური მითითების ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.138; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.93

• 1998 - ღირსების მედალი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის

• რკინაბეტონის კონსტრუქციები. მოკლე კურსი : ლექციების კონსპექტი (თანაავტორი) // ნაწ. 1. - თბილისი, ტექნ. უნ-ტის გამ-ბა, 1996. - 132გვ.