დავით გვენეტაძე

დაბადების ადგილი: სოფელი დაბაძველი, ტყიბულის რაიონი.

დაამთავრა საქართველოს პოლიტექნიკური ინსტიტუტი სამთო საწარმოთა მშენებლობის სპეციალობით 1951 წელს.

1951-1957წწ. მუშაობდა გერმანიის დემოკრატიულ რესპუბლიკაში; 1957-1961წწ. საქართველოს მეცნიერებათა აკადემიის სამთო საქმის ინსტიტუტში - უმცროს მეცნიერ თანამშრომლად; 1961-1965წწ. მივლინებული იყო ეგვიპტის რესპუბლიკაში ასუანის მაღალი კაშხლის მშენებლობაზე უბნის უფროსად; 1965-1972წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენში" - სამუშაოთა მწარმოებლად, სამშენებლო სამმართველოს მთავარ ინჟინრად; 1972-1980წწ. იყო საქართველოს შინაგან საქმეთა სამინისტროს სამშენებლო-სამონტაჟო სამმართველოს უფროსი; 1981-1991წწ. სათავეში ედგა "მთავართბილმშენის" N2 სახლსაშენი კომბინატის სამმართველოს; მონაწილეობდა შინაგან საქმეთა სამინისტროს კუთვნილი სანატორიუმების (ბიჭვინთასა და წყალტუბოში), მრავალსართულიანი საცხოვრებელი სახლების (თბილისში) და სხვა მნიშვნელოვანი ობიექტების მშენებლობაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.138