ლევან გვენეტაძე

დაბადების ადგილი: დაბა ბაღდათი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1972 წელს, ხოლო 1983 წელს - თბილისის უცხო ენათა პედაგოგიური ინსტიტუტის ინგლისური ენისა და ლიტერატურის ფაკულტეტი.

1972-1974წწ. შრომითი საქმიანობა დაიწყო საქართველოს პოლიტექნიკურ ინსტიტუტში კათედრის ასისტენტად; 1974-1978წწ. მუშაობდა თბილისის ზონალურ ს/კ, ტიპური და ექსპერომენტული პროექტირების ინსტიტუტში ("თბილზნიიეპი") უფროს ინჟინრად; 1978-1981წწ. მივლინებით იმყოფებოდა ვიეტნამის რესპუბლიკაში საცხოვრებელი კომპლექსისა და ჰიდროელექტროსადგურის მშენელობაზე - მთავარ ინჟინრად; მივლინებიდან დაბრუნების შემდეგ კვლავ მუშაობდა თბილისის ზონალურ ს/კ, ტიპური და ექსპერიმენტული პროექტების ინსტიტუტში ("თბილზნიიეპი"); 1983-1992წწ. საქართველოს კომპატისს ცკ საქმეთა მმართველობის ინსტრუქტორი მშენებლობის განხრით; 1992-1997წწ. მუშაობდა საქართველოს საგარეო საქმეთა სამინისტროს სისტემაში: "დიპსერვისის" მთავარ ინჟინრად; 1997-2005წწ. იყო თბილისის მერიის სამმართველო "დიპლომატის" მთავარი ინჟინერი; 2002-2003წწ. სამშენებლო კომპანია სს "ქართუ ჯგუფის" "ინტესერვისის" დირექტორი; 2002-2005წწ. ავსტრია-საქართველოს ერთობლივი კომპანიის საბურთალოს საცხოვრებელი კომპლექსის მშენებლობის დირექტორი; 2003-2008წწ. სამშენებლო კომპანია "აქსისის" სამშენებლო სამმართველოს მთავარ ინჟინრი, უფროსი; 2008-2010წწ. სამშენებლო კომპანია "ბლოკ-ჯორჯიას" მთავარ ინჟინრი; 2010 წლიდან იყო სამშენებლო კომპანია "კონფიდენს გროუპის" დირექტორი; მისი მონაწილეობით აშენდა: საქართველოს საავტომობილო გზების სამინისტროს შენობა გაგარინის ქუჩაზე (ამჟამად "საქართველოს ბანკი"), ქ. თბილისის სატელევიზიო ანძა (275-მეტრიანი), საგამომცემლო კომპლექსი დიდუბეში, საცხოვრებელი, საოფისე და კომერციული დანიშნულების შენობები ვაკე-საბურთალოს რაიონში, სასტუმროს კომპლექსი და აზერბაიჯანის ნავთობკომპანია "სოკარის" საოფისე კომპლექსი თბილისში, საცხოვრებელი კომპლექსები ლტოლვილებისათვის ქალაქ გორში და ქ. თბილისში (ქავთარაძის ქუჩაზე), მადნეულის სამთო-გამამდიდრებელი კომბინატი, საცხოვრებელი მასივი თავისი ინფრასტრუქტურით და საელჩოს შენობის რეკონსტრუქცია (ვიეტნამში); ურავის დარიშხანის ქარხანა, წყალმომარაგების კომპლექსი მდ. დესნაზე (უკრაინაში), დრამატული თეატრი ქ. მახაჩკალაში, ხუდონჰესის საცხოვრებელი კომპლექსი, ადმინისტრაციული შენობები საქართველოს რიგ რაიონებში, საქართველოს კპ ცკ-ის სამთავრობო კომპლექსი "ჩაიკა" მიუსერაში (გუდაუთის რაიონი).

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.139-140

• საქართველოს საინჟინრო აკადემია, მრჩეველი (1997-)

• 1979 - საქართველოს სახელმწიფო პრემია, არქიტექტურისა და მშენებლობის დარგში
• ვიეტნამის დამსახურებული მშენებლის წოდება
• ვიეტნამის ომის გმირი