ვახტანგ თავბერიძე

დაბადების ადგილი: ქ. ბათუმი.

დაამთავრა ბათუმის საზღვაო სასწავლებელი გემთწამყვანის სპეციალობით 1970 წელს; დაუსწრებლად დაამთავრა ოდესის უმაღლესი საზღვაო-საინჟინრო სასწავლებელი (ОВИМУ) 1981 წელს.

სასაწავლებლის დამთავრების შემდეგ საქართველოს საზღვაო სანაოსნოს მცურავ შემადგენლობაში რიგით მატროსად დაიწყო ცურვა. 1972 წლიდან ცურავდა მადანმზიდ - "Нико Николадзе"-ზე ცურავდა. სწორედ ამ ბალკერზე, სახელგანთქმული კაპიტნის - რომან ახობაძის მეთაურობის ქვეშ გაიარა მან შტურმანობის ყველა საფეხური და 1983 წელს კაპიტანიც სწორედ ამ გემზე გახდა. მომდევნო წლებში ვ. თავბერიძე საქართველოს საზღვაო სანაოსნოს სხვადასხვა გემების, მათ შორის სანაოსნოს ერთ-ერთი თვალსაჩინო ხომალდის - "Акаки Церетели"-ს ეკიპაჟს მეთაურობდა. გასული საუკუნის ბოლოდან კი იგი დროებით ნაპირს დაუბრუნდა, საქმიანობა ბათუმის ნავსადგურში, ჯერ პორტის კაპიტნის მოადგილედ, მოგვიანებით კი ნავთობტერმინალის უბნის უფროსად განაგრძო; 2001-2005 წლებში ზღვაში საქმიანობას ინგლისური სანაოსნო კომპანია - "Zodiac Maritime"-ს გემებზე განაგრძობს. 2005 წელს კი იგი საბოლოოდ უბრუნდება ნაპირს და დღემდე ფოთის საზღვაო ნავსადგურის კაპიტნის საპასუხისმგებლო მოვალეობებს ასრულებს. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com; ბათუმის ნავიგაციის სასწავლო უნივერსიტეტი: m.facebook.com