ვლადიმერ ჭანიშვილი

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამთო ფაკულტეტი 1938 წელს.

მუშაობდა დონეცი აუზის, ტყიბულის შახტებისა და ჭიათურის მაღაროებში სხვადასხვა თანამდებობაზე; 1969 წლიდან იყო გ. წულუკიძის სახელობის სამთო მექანიკის ლაბორატორიის გამგე; მისი ძირითადი შრომები მიძღვნილია საქართველოს სამთო მრეწველობის ეკონომიკურ, ტექნიკურ და ისტორიულ საკითხებს. სპეციალისტი სამთო დარგში, ტექნიკის მეცნიერებათა კანდიდატი (1963).

წყარო: ქართული საბჭოთა ენციკლოპედია: ტ. 11.-თბ., 1987.-გვ.382

• 1973 - საქართველოს სახელმწიფო პრემია
• 1962 - საქართველოს დამსახურებული ინჟინერი

• მანგანუმის მადნის მრეწველობის განვითარება საქართველოში (ავტორი). - თბილისი, საქ. სსრ მეცნ. აკად. გამ-ბა და სტ., 1960. - 564გვ.
• ტყიბულის ქვანახშირის საბადოს დამუშავების ისტორიისათვის (ავტორი). - თბილისი, ტექნიკა და შრომა, 1956. - 108გვ.