აქვსენტი გიგინეიშვილი

დაბადების ადგილი: სოფელი გომი, ოზურგეთის რაიონი.

დაამთავრა საქართველოს პოლიტექნიკური ინსტიტუტი ინჟინერ-ენერგეტიკოსის კვალიფიკაციით 1934 წელს.

მუშაობდა "ზაჰესის" მორიგე ტექნიკოსად, მორიგე ინჟინრად, "ზაჰესის" კასკადის სარემონტო საამქროს უფროსად; 1937 წელს დაინიშნა "საქენერგოს" ენერგომასალებისა და მომარაგების განყოფილების უფროს ინჟინრად; იყო დასავლეთ საქართველოს ელქსელების მთავარი ინჟინერი; 1946-1958წწ. მუშაობდა სამშენებლო-სამონტაჟო ტრესტ "საქქსელმშენის" ქუთაისის N1 და თბილისის N4 სამშენებლო-სამონტჟო უბნების უფროსად; 1958-1964წწ. იყო სამშენებლო-სამონტაჟო ტრესტ "კავკასელექტროელმშენის" მმართველის მოადგილე; 1964-1980წწ. კი - ამავე ტრესტის მთავარი ინჟინერი; ხელმძღვანელობდა როგორც საქართველოში, ისე მის ფარგლებს გარეთ (უკრაინის კარპატებში, სომხეთში, აზერბაიჯანში, კრასნოდარისა და სტავროპოლის მხარეებში, ცენტრალურ რუსეთში) მაღალი ძაბვის ელექტროგადამცემი ხაზებისა და ქვესადგურების მშენებლობას; მათ შორის აღსანიშნავია 500 კვ. მაღალი ძაბვის ელექტროგადამცემი ხაზი "ენგურჰესი-თბილსრესი", 500-კვ ქვესადგური "ზესტაფონი" და სხვა; დიდი წვლილი მიუძღვის ავჭალის ლითონკონსტრუქციების ქარხნის გაფართოებასა და მისი დასახლების მშენებლობაში; მონაწილეობდა სხვადასხვა მნიშვნელოვანი სამოქალაქო ობიექტის მშენებლობაში; იყო სახელმწიფო ჯილდოების კავალერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.141; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ.76-77

• შრომის წითელი დროშის ორდენი (2 ორდენი)
• საქართველოს დამსახურებული ინჟინერი