ორდენ ლეთანძე

1937-1941წწ. ქ. სოხუმის საშუალო სკოლის გუნდის ხელმძღვანელად დაიწყო მუშაობა; შემდეგ კულტურის სახლის ხელმძღვანელობა დაეკისრა; 1945 წელს სწავლა გააგრძელა ქ. ზუგდიდის სამასწავლებლო ინსტიტუტში; ფიზიკა-მატემატიკის საფუძვლებს ეუფლებოდა, თან ინსტიტუტის მომღერალთა თვითმოქმედ გუნდს ხელმძღვანელობდა; ამის შემდეგ იყო მასწავლებელი და სკოლის თვითმოქმედ მომღერალთა გუნდის ხელმძღვანელი; 1948 წლიდან იყო ზუგდიდის რაიონის სოფელ რუხის კოლმეურნეობის სიმღერისა და ცეკვის ანსამბლის ხელმძღვანელი, მომდევნო წელს ანსამბლი მეექვსე რესპუბლიკურ ოლიმპიადაზე გამოიყვანა, სადაც საპატიო სიგელი დაიმსახურა; შემდეგ დაინიშნა ინგურის ქაღალდის კომბიონატის სიმღერისა და ცეკვის ანსამბლის ხელმძღვანელად; 1951 წელს მეშვიდე რესპუბლიკურ ოლიმპიადაზე წარმატებული გამოსვლისათვის კომბინატის გუნდს მეორე ადგილი და საპატიო სიგელი მიეკუთვნა; იმავე წელს დაიწყო მუშაობა ზუგდიდის მასწავლებლის სახლის სიმღერისა და ცეკვის ანსამბლის ხელმძღვანელად; 1954 წელს საქართველოს პროფკავშირების დათვალიერებაზე გამოსვლისათვის დააჯილდოვეს საპატიო სიგელით, სიგელი ხვდა მას სოლო ნომრების საუკეთესო შესრულებისთვისაც; მისი მოღვაწეობის გვირგვინი ჩხოროწყუს რაიონის სიმღერისა და ცეკვის ანსამბლში გულმოდგინე მუშაობის წლებია; ანსამბლმა თავი ისახელა მერვე რესპუბლიკურ ოლიმპიადაზე, ამავე ანსამბლმა მონაწილეობა მიიღო საბჭოთა საქართველოს ორმოცი წლისთავისადმი მიძღვნილ მეცხრე რესპუბლიკურ ოლიმპიადაში; აქ ჩხოროწყუელებმა თავი გამოიჩინეს როგორც რეპერტუარით, ისე შესრულების მხრივაც; ორდენ ლეთანძე ენერგიულად განაგრძობდა ჩხოროწყუში მუშაობას; გულმოდგინედ ემსახურა ბავშვთა მუსიკალური აღზრდის საქმეს; ხელმძღვანელობდა რამდენიმე სასკოლო ანსამბლს, როგორც ზუგდიდში, ისე წალენჯიხაში; ლოტბარი.

წყარო: ხალხური სიმღერის მოამაგენი.-თბ., 2007.-გვ. 133

• საქართველოს უმაღლესი საბჭოს პრეზიდიუმის საპატიო სიგელი