ზაზა გიორგობიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკურ ნაგებობათა მშენებლობის სპეციალობით 1973 წელს.

1973 წელს დაიწყო შრომითი საქმიანობა საქართველოს სასოფლო მშენებლობის სამინისტროს რესპუბლიკურ გაერთიანება "საქკოლმშენის" საპროექტო ონსტიტუტ "საქკოლმშენპროდუქტში" ინჟინერ-კონსტრუქტორად; 1977 წლიდან მუშაობა დაიწყო საქართველოს სამონტაჟო და სპეციალური სამუშაოების მთავარი სამმართველოს "საქმთავარსპეცმონტაჟმშენის" სისტემაში, ტრესტ "საქმექანომონტაჟის" სამონტაჟო სამმართველოში მთავარ ინჟინრად; 1996 წლიდან საქართველოს ერთ-ერთი მძლავრი სპეცსამონტაჟო სააქციო საზოგადოება "სარინის" მთავარი ინჟინერია; მისი უშუალო მონაწილეობით აშენებული და საექსპლუატაციოდ გადაცემული ობიექტებიდან აღსანიშნავია: "ბაიკალ-ამურის" რკინიგზის მაგისტრალზე "ნია-გრუზინსკაიას" დასახლების კომპლექსი, ქ. თბილისში არაერთი მნიშვნელოვანი კომუნალური და სასოფლო-სამეურნეო დანიშნულების ობიექტი, რუსთავის ცემენტის ქარხნის სრული რეკონსტრუქცია, ქიმიური კომბინატისა და კაპროლაქტამის საწარმოები, საცხოვრებელი კვარტლები ქ. რუსთავში, სპეცსამუშაოები წმინდა სამების საკათედრო ტაძრის მშენებლობაზე და სხვა.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.147