აკაკი შანიძე

დაბადების ადგილი: სოფელი ოჯოლა, ტყიბულის რაიონი.

საშუალო ტექნიკური განათლება მიიღო ქუთაისში, აქვე დაამთავრა თეატრი-სტუდია, რომელსაც კ. მარჯანიშვილის ხელმძღვანელობდა.

1927-1929წწ. მუშაობდა ქუთაისის მუსიკალურ ტექნიკუმთან არსებულ პიონერთა ბიურო-კოლექტივის თავმჯდომარედ; ამავე წლებში პარალელურად მუშაობდა მუშა-ახალგაზრდობის თეატრში მსახიობად; 1929-1934წწ. იყო მუსიკალური ტექნიკუმის დირექტორი და პარალელურად აქვე სწავლობდა ვოკალურ განყოფილებაზე; 1934-1936წწ. - კონსერვატორიასთან არსებული მუშფაკის დირექტორის მოადგილე; 1936-1939წწ. სწავლობდა თბილისის სახელმწიფო უნივერსიტეტის ისტორიის ფაკულტეტზე; 1936-1937წწ. საქართველოს ალკკ თბილისის საქალაქო კომიტეტის სტუდენტი-ახალგაზრდობის განყოფილების გამგე; 1937-1939წწ. ალკკ ცენტრალური კომიტეტის მოსწავლე და სტუდენტი ახალგაზრდობის განყოფილების ხელმძღვანელი; 1939-1941წწ. კომპარტიის ცენტრალური კომიტეტის კულტურისა და განათლების სექტორის გამგე; 1941-1946წწ. იბრძოდა მეორე მსოფლიო ომში; 1946-1952წწ. მოზარდ მაყურებელთა ქართული თეატრის დირექტორი; 1952-1954წწ. ქუთაისის ოლქის მშრომელთა დეპუტატების საოლქო საბჭოს აღმასკომის ხელოვნების საქმეთა სამმართველოს უფროსი; 1954-1973, 1985-1987წწ. ვ. აბაშიძის სახელობის მუსიკალური კომედიის სახელმწიფო თეატრის დირექტორი; 1973-1982წწ. ზ. ფალიაშვილის სახელობის ოპერისა და ბალეტის სახელმწიფო აკადემიური თეატრის დირექტორი-განმკარგულებელი, ხელძღვანელობას უწევდა დამწვარი თეატრის აღდგენით სამუშაოებს; 1982-1985წწ. საქართველოს თეატრალური საზოგადოების პრეზიდიუმის თავმჯდომარის მოადგილე; 1987 წლიდან შოთა რუსთაველის სახელობის თეატრალური ინსტიტუტის დ. ალექსიძის სახელობის სასწავლო თეატრის დირექტორი.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.13

• 1961 - საქართველოს ხელოვნების დამსახურებული მოღვაწე