ვალერიან გოგია

დაბადების ადგილი: სოფელი რიყე, ზუგდიდის რაიონი.

დაამთავრა საქართველოს ინდუსტრიული ინსტიტუტის სამთო-საინჟინრო ფაკულტეტი 1944 წელს; 1953 წელს დაამთავრა მოსკოვის ქვანახშირის მრეწველობის აკადემია.

1944 წლიდან მუშაობდა "საქშახტმშენის" სამმართველოს სისტემაში; მუშაობდა "ტყვარჩელშახტმშენის" N2 შახტის სამთო უბნის უფროსად, N4 შახტის მშენებლობის უფროსად; 1947-1951წწ. ხელმძღვანელობდა ახალციხის შახტების მშენებლობას;  1953-1955წწ. იყო სამშენებლო ტრესტ "ტყვარჩელშახტმშენის" N1 სამშენებლო სამმართველოს უფროსი, ხოლო 1956-1968წწ. - "ტყვარჩელშახტმშენის" უფროსი; მისი ხელმძღვანელობით ხოჯალის მთებში საინჟინრო თვალსაზრისით ერთ-ერთი რთული და უნიკალური ქვანახშირის N8 მაღარო აშენდა; 1968 წელს იგი გადაიყვანეს საქართველოს მშენებლობის სამინისტროს N7 სამშენებლო ტრესტ "საქშახტმშენის" მარნეულის სამშენებლო სამმართველოს უფროსად; 1970 წელს დაინიშნა ტრესტ "საქშახტმშენის" მთავარი ინჟინრის მოადგილედ, ხოლო 1971 წელს - მთავარ ინჟინრად; მუშაობდა ამავე ტრესტის ტექნიკური განყოფილების უფროსად; იყო სხვადასხვა მედლის კავალერი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.150

• საპატიო ნიშნის ორდენი
• აფხაზეთის დამსახურებული ინჟინერი
• საქართველოს დამსახურებული ინჟინერი