რამაზ გოგიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენელო ფაკულტეტი ჰიდროტექნიკურ ნაგებობათა მშენებლობის სპეციალობით 1960 წელს.

პროფესიული საქმიანობის პერიოდში განვლო ყველა სამსახურებრივი საფეხური მშენებელი ოსტატიდან სამშენებლო გაერთიანებისა და ტრესტის მმართველობამდე; საქართველოში ერთ-ერთმა პირველმა აითვისა საცხოვრებელი სახლების მსხვილპანელიანი ნაკეთობები და აქტიური მონაწილეობა მიიღო ბინათმშენებლობაში მათი გამოყენება-დანერგვის საქმეში (გ. კვიჭიძესთან, გ. გუჯეჯიანთან და გ. ქორქაშვილთან ერთად); იყო თბილისის სახლსაშენი კომბინატის დირექტორი; მისი უშუალო მონაწილეობით აშენდა არაერთი უნიკალური ობიექტი, მათ შორის - ცენტრალური რესპუბლიკური არქივის შენობა, თბილისის სპორტის სასახლე, საქართველოს კულტურული ცენტრი "მზიური" (მოსკოვში, ძველ არბატზე), საქართველოს წარმომადგენლობის სასტუმრო; არის სტუდენტებისა და პრაქტიკოსი მშენებლების დამხმარე სახელმძრვანელოს "მსხვილი ბლოკები და პანელები" ავტორი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.150-151

• საქართველოს მშენებელთა კავშირი, წევრი

• ახალგაზრდა მემონტაჟის ცნობარი (ავტორი). - თბილისი, ცოდნა, 1963. - 97გვ.