ვაჟა გოგისვანიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს.

1966 წელს დაიწყო საქმიანობა საპროექტო ინსტიტუტ "საქგზამშენში"; სხვადასხვა დროს მუშაობდა საქართველოს საავტომობილო გზების სამინისტროს სამშენებლო ორგანიზაციებში და მშენებლობის სამინისტროს N15 სამშენებლო ტრესტში სამუშაოთა მწარმოებლად, სამმართველოს მთავარ ინჟინრად; იყო თბილისის საქალაქო საბჭოს აღმასკომის საყოფაცხოვრებო მომსახურების სამმართველოს უფროსის მოადგილე, გაერთიანება "საქგაზის" უბნის უფროსი; მუშაობდა საქართველოს კვების მრეწველობის სამინისტროს სამშენებლო ტრესტის სამმართველოს მთავარ ინჟინრად, უფროსად; ასევე, საქართველოს მშენებლობის სამინისტროს სამშენებლო გაერთიანება "თბილქალაქმშენის" N1 სამშენებლო სამმართველოს უფროსად; სს "მშვილდოსნის" გენერალური დირექტორი; მისი უშუალო მონაწილეობითა და ხელმძღვანელობით აიგო არაერთი სოციალურ-საყოფაცხოვრებო დანიშნულების ობიექტი და საავტომობილო გზა თბილისსა და საქართველოს სხდვადასხვა რეგიონში; კეთილმოეწყო ვარკეთილის, ვაზისუბნის, ფონიჭალის, გლდანის, დიდი დიღმის, ნუცუბიძის საცხოვრებელი მიკრორაიონები და კვარტლები; აღდგა და აშენდა საცხოვრებელი სახლები მიწისძვრით დაზარალებულთათვის საჩხერის რაიონში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.151