დესპინე ივანიძე

დაბადების ადგილი: ქ. ქუთაისი.

ქუთაისის თეატრის სცენაზე პირველად 1891-1892 წლების სეზონში გამოვიდა კოტე მესხის ხელმძღვანელობით. ითვლებოდა ნიჭიერ მსახიობად. წარმატებით ასრულებდა, როგორც დრამატულ, ასევე კომედიურ როლებს. განსაკუთრებით დიდი ოსტატობით ასახიერებდა მოხუც ქალთა სახეებს, რომელთაგან აღსანიშნავია: მაიკო და ისახარი (ალ. სუმბათაშვილის "ღალატი"), გადია (ვ. გუნიას "და-ძმა"), დედა (ლ. ანდრეევის "დღენი ჩვენი ცხოვრებისა"), დედა კორნელია (ვ. მონტის "გაიუს გრაკქუსი"), მადამ ფროშარი (ა. დენერის "ორი ობოლი"), ამალია (უ. შექსპირის "ოტელი"), აკოსტას დედა (კ. გუცკოვის "ურიელ აკოსტა"), დედა, ქალია, კატინა, კნეინა თეკლე (ავქ. ცაგარელის "ქართლის დედა", "ციმბირელი", "რაც გინახავს, ვეღარ ნახავ", "ხანუმა") და სხვა. უმთავრესად მუშაობდა ქუთაისის თეატრში, მონაწილეობდა ქუთაისში სცენის მოყვარეთა იაფფასიან სახალხო წარმოდგენებში, სადაც გამოდიოდა უხელფასოდ; ხშირად მონაწილეობდა სოფლად გამართულ წარმოდგენებშიც.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.19