ვანიჩკა საყვარელიძე

დაბადების ადგილი: ქ. ზესტაფონი.

დაამთავრა თბილისის შოთა რუსთაველის სახელობის თეატრალური ინსტიტუტის სამსახიობო ფაკულტეტი 1947 წელს.

1947 წელს მიიწვიეს მოზარდ მაყურებელთა ქართულ თეატრში; 1962 წლიდან კ. მარჯანიშვილის სახელობის თეატრის მსახიობი. მის მიერ შესრულებული როლებიდან აღსანიშნავია: ყვარყვარე (პ. კაკაბაძის "ყვარყვარე თუთაბერი"), მირანგულა (ჩიტაიშვილის "მირანგულა"), პერციბინი, ლეშჩი (მ. გორკის "მდაბიონი", "უკანასკნელნი"), მღებავი (მინკოსის "გვარს არ დავასახელებ") და სხვა. გადაღებულია 43 ფილმში. მათ შორის აღსანიშნავია: მკითხავი ფრიდონი ("ხარება და გოგია"), უცნობი ("ყველაზე სწრაფი მსოფლიოში"), საიუველირო მაღაზიის დირექტორი ("ვინ არის მეოთხე"), ბერიკაცი ("უკვდავების თეთრი ვარდი"), ბატონი ("დიდოსტატის მარჯვენა"), ისაკი ("დათა თუთაშხია"), გლეხი ("ამბავი ივანე კოტორაშვილისა"), კიღურაძე ("ციმბირელი პაპა"), მარკშეიდერი ("ცისფერი მთები") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.21

• 1983 - საქართველოს სახელმწიფო პრემია
• 1979 - საქართველოს დამსახურებული არტისტი