თიკო ღვინიაშვილი

დაბადების ადგილი: სოფელი ვანთა, თელავის რაიონი.

დაამთავრა თელავის წმინდა ნინოს სასწავლებელი 1919 წელს.

მონაწილეობდა სასკოლო სპექტაკლებში. 1917 წელს თელავის დრამატული წრის წარმოდგენაში შეასრულა ქრისტინეს როლი (პ. ირეთელის ამავე სახელწოდების პიესაში). წლების მანძილზე მოღვაწეობდა საქართველოს სხვადასხვა თეატრებში: თელავის დრამწრეში (1917-1922), ქუთაისის (1924-1925), ჭიათურის (1925-1926), რუსთაველის (1926-1935), სიღნაღის (1936-1937), თელავის (1937-1938) თეატრებში; 1938 წლიდან გარდაცვალებამდე იყო ლ. მესხიშვილის სახელობის ქუთაისის თეატრის წამყვანი მსახიობი. მან ქართულ სცენაზე 200-მდე როლი შეასრულა. მათ შორის აღსანიშნავია: ქეთევანი (დ. ერისთავის "სამშობლო"), ცაბუ (შ. დადიანის "ნაპერწკლიდან"), ბარონესა შტრონგერი (ნ. შიუკაშვილის "სულელი"), ზეინაბი (ა. სუმბათაშვილის "ღალატი", დარო (ვ. შალიკაშვილის "უნიადაგონი"), ელენე (ს. კლდიაშვილის "გმირთა თაობა"), თამარი (ვ. გაბესკირიას "მათი ამბავი"), მაშიკო (ავქ. ცაგარელის "ციმბირელი"), კოსტილევა (ძმები ტურის და შეინინის "ჭიდილი"), ვერა (აფინოგენოვის "მაშენკა"), პოლინა (მ. გორკის "მტრები"), დეზდემონა, რეგინა (უ. შექსპირის "ოტელო", "მეფე ლირი") და სხვა.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.24

• 1980 - საქართველოს სახალხო არტისტი
• 1946 - საქართველოს დამსახურებული არტისტი