რევაზ გოგიტიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1972 წელს.

1972-1973წწ. მუშაობდა საქართველოს სახელმწიფო საპროექტო ინსტიტუტ "საქქალაქმშენსახპროექტის" ბათუმის ფილიალში არქიტექტორად; 1975 წელს გადაიყვანეს აჭარის "სახმშენის" საპროექტო ბიუროს მთავარ არქიტექტორად; 1977-1985წწ. იყო საქართველოს არქიტექტორთა კავშირის, აჭარის შემოქმედებითი საპროექტო სახელოსნო "აჭარპროექტის" დირექტორი; ეწეოდა პედაგოგიურ მოღვაწეობას ბათუმის ინდუსტრიულ ტექნიკუმში არქიტექტურის განხრით; 1985 წელს დაინიშნა ქ. ბათუმის მთავარ არქიტექტორად და წლების განმავლობაში ხელმძღვანელობდა აღნიშნულ სამსახურს; კომპანია "ARG"ის პრეზიდენტი და სამეცნიერო-საწარმოო გაერთიანება "აჭარარქფონდის" გენერალური დირექტორი; მისი ავტორობით დაპროექტდა: მრავალსართულიანი საცხოვრებელი სახლები ბათუმსა და ხელვაჩაურში, ქობულეთსა და შუახევში, საბავშვო ბაღები და კულტურის კერები, ადმინისტრაციული შენობები გონიოსა და მახინჯაურში, სასტუმრო ბათუმში და ა.შ.; გამოქვეყნებული აქვს 4 სამეცნიერო ნაშრომი. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.151-152

• ბათუმის საქალაქო საბჭო, დეპუტატი (1986-1988)
• საქართველოს არქიტექტორთა კავშირი, წევრი (1976-)
• საქართველოს არქიტექტორთა კავშირი, თავმჯდომარის მოადგილე
• საქართველოს არქიტექტორთა კავშირის აჭარის ორგანიზაცია, თავმჯდომარე
• სსრკ არქიტექტორთა კავშირი, წევრი (1977-)

• 1988 - არქიტექტურის თბილისის ბიენალეს ლაურეატი
• საქართველოს დამსახურებული არქიტექტორი