თენგიზ გოგიჩაშვილი

დაბადების ადგილი: ქ. გორი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი ხიდებისა და გვირაბების მშენებლობის სპეციალობით 1952 წელს.

1952 წელს სამუშაოდ განაწესეს ქ. ნიკოლაევში სამშენებლო-სამონტაჟო სამმართველო "ხიდმშენ" N444-ის სისტემაში. თავიდან მუშაობა დაიწყო მშენებელ-ოსტატად, შემდგომ - სამუშაოთა მწარმოებლად; 1957 წელს დაინიშნა "ხიდმშენ 470"-ის ჯერ მთავარ ინჟინრად, 1962 წელს კი - უფროსად; 1972 წელს გადაყვანილ იქნა საბჭოთა კავშირის სატრანსპორტო მშენებლობის სამინისტროს ყაზახეთისა და შუა აზიის რესპუბლიკების მთავარი გაერთიანების უფროსად; 1981 წლიდან დაინიშნა საბჭოთა კავშირის სატრანსპორტო მშენებლობის მინისტრის მოადგილედ; განსაკუთრებით აღსანიშნავია მისი ღვაწლი ისეთი ობიექტების მშენებლობაზე, როგორებიცაა "ბარნაული-ლოკოტიუსტ-კამენოგორსკის" რკინიგზის მაგისტრალი (მანგიშლაკის ოლქში), ერთ-ერთი უდიდესი სარკინიგზო ხიდი მდ. ობზე (ალტაის მხარეში), რომელიც სრულიად ახლებური საინჟინრო ტექნოლოგიებით იქნა აგებული, ასევე, "მაკაუ-აქტაუს" 500 კმ-იანი სარკინიგზო მაგისტრალი და ა.შ.; დაჯილდოვდა ხუთი მედლით, მათ შორის: ბამ-ის მშენებლობისათვის; არაერთგზის იყო არჩეული ყაზახეთის უმაღლესი საბჭოსა და გურიევის საოლქო საბჭოს დეპუტატად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.153

• 1979 - რუსეთის ფედერაციული რესპუბლიკის დამსახურებული მშენებელი
• 1974 - საბჭოთა კავშირის საპატიო რკინიგზელი მშენებელი
• 1972 - ყაზახეთის სსრ დამსახურებული მშენებელი
• 1971 - სოციალისტური შრომის გმირი
• 1967 - ლენინის ორდენი
• 1962 - საპატიო ნიშნის ორდენი
• სსრკ მინისტრთა საბჭოს პრემია