გურამ გოგიჩაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

მუშაობდა საქართველოს მშენებლობის სამინისტროს N3 და N13 სამშენებლო ტრესტებში - მშენებელ ოსტატად, სამუშაოთა მწარმოებლად, უფროს სამუშაოთა მწარმოებლად, სამმართველოს უფროსად; 1974 წელს დაინიშნა საქართველოს მშენებლობის სამინისტროს N13 სამშენებლო ტრესტის მმართველად; 1981 წელს გადაიყვანეს საქართველოს ჯანდაცვის სამინისტროში მინისტრის მოადგილედ მშენებლობის დარგში; 1996 წელს დაინიშნა საქართველოს შრომის, ჯანმრთელობისა და სოციალირი დაცვის სამინისტროს მატერიალურ-ტექნიკური ბაზის მართვისა და განვითარების დეპარტამენტის თავმჯდომარედ, ხოლო 2000 წლიდან - ტექნიკისა და ტექნოლოგიების დეპარტამენტის უფროსის მოადგილედ; 2004 წლიდან მუშაობს სს "თბილმრეწვმშენ-3"-ის კომერციულ დირექტორად; 1960-2003წწ. მისი მონაწილეობით საქართველოში 350 ობიექტი აშენდა; მისი ხელმძღვანელობის პერიოდში საქართველოს მშენებლობის სამინისტროს N13 სამშენებლო ტრესტი დაჯილდოვდა "საპატიო ნიშნის" ორდენით; მიღებული აქვს საქართველოს სსრ უმაღლესი საბჭოს სიგელი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.153-154; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.293

• 1999 - ღირსების ორდენი
  სამშენებლო სფეროში მიღწეული წარმატებებისათვის, მსხვილი ობიექტების მშენებლობაში შეტანილი პირადი დიდი წვლილისა და შენობა- ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• საქართველოს სახელმწიფო პრემია
• საქართველოს დამსახურებული მშენებელი