დავით მათითაიშვილი

დაბადების ადგილი: სოფელი ხიდისთავი, ჩოხატაურის რაიონი.

დაამთავრა გორაბერეჟოულის სასოფლო-სამეურნეო ტექნიკუმი 1936 წელს(მებაღე-მევენახეობა), ერთ ხანს თბილისის სასოფლო-სამეურნეო ინსტიტუტშიც სწავლობდა.

მღეროდა ჯერ ტექნიკუმის, ხოლო შემდეგ სასოფლო-სამეურნეო ინსტიტუტის გუნდებში; 1946 წლიდან ტექნიკუმის, საშუალო სკოლების და საკოლმეურნეო გუნდებს ხელმძღვანელობდა; სხვადასხვა დროს რაიონულ დათვალიერებებზე გუნდების კარგად გამოყვანისათვის მიღებული აქვს მრავალი ქების სიგელი; 1964 წელს საქართვლოს საგუნდო და ქორეოგრაფიული საზოგადოების პრეზიდიუმმა ხალხური სიმღერების საუკეთესო შემსრულებელთა მეორე რესპუბლიკურ კონკურსში გამარჯვებისათვის დიპლომით დააჯილდოვა; ხალხურ კილოზე დაყრდნობით შექმნა სიმღერები: "ბუღურა მამალაძეზე", "გურიაზე", "საბჭოთა ქალებზე", "მარიამ ბუკისციხელზე", "საკოლმეურნეო", "შაირები"; 1956 წლიდან ხიდისთავის კულტურის სახლის სამხატვრო ხელმძღვანელი იყო, ხოლო 1958 წლიდან ხელმძღვანელობდა ჩოხატაურის რაიონის "შვიდკაცას"; ლოტბარი.

წყარო: ხალხური სიმღერის მოამაგენი.-თბ., 2007.-გვ. 138