ვახტანგ გაფრინდაშვილი

დაბადების ადგილი: ქ. ჭიათურა.

დაამთავრა საქართველოს ინდუსტრიული ინსტიტუტი 1946 წელს.

1947 წლიდან მუშაობდა საქართველოს მეცნიერებათა აკადემიის არაორგანული ქიმიისა და ელექტროქიმიის ინსტიტუტში. 1960 წლიდან იყო ლაბორატორიის გამგე. ვახტანგ გაფრინდაშვილის ძირითადი შრომები ეძღვნება რთული მინერალური ნედლეულის კომპლექსური, რაციონალური ტექნოლოგიების დამუშავებას. მან პირველმა შექმნა სპილენძის შემცველი  სულფიდური, აგრეთვე მანგანუმის, მაგნიუმის, კალციუმის დაჟანგული და კარბონატული მადნების ერთობლივი კომპლექსური გადამუშავების პიროჰიდრომეტალურგიული მეთოდები. მიღებული აქვს სახელმწიფო ჯილდოები. ტექნიკის მეცნიერებათა დოქტორი (1975), პროფესორი (1978).

წყარო: საქართველო: ენციკლოპედია: ტ.I.–თბ., 1997. გვ.565

• 1985 - საქართველოს მეცნიერებათა დამსახურებული მოღვაწე

• ლითოფონის წარმოების წითელი და საკონტროლო კეკის უტილიზაციის საკითხისათვის (ავტორი). - თბილისი, 1969. - 7გვ.
• მადნეულის ბარიტის გადამუშავების ოპტიმალური ტექნოლოგიის სტატისტიკური ძიება (თანაავტორი). - თბილისი, 1968. - 14გვ.