ანზორ გოგოლაძე

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

შრომითი საქმიანობა დაიწყო საქართველოს მშენებლობის სამინისტროს N4 სამშენებლო ტრესტის სამტრედიის N5 სამშენებლო სამმართველოში საწარმოო-ტექნიკური განყოფილების ინჟინრად; 1964-1969წწ. მუშაობდა ამავე სამმართველოს ბაზაზე ჩამოყალიბებული, ტრესტ "მთავარსოფლმშენის" სამტრედიის N4 მოძრავ-მექანიზებული კოლონის საწარმოო-ტექნიკური განყოფილების ინჟინრად, ამავე განყოფილების უფროსად; 1969-1980წწ. იყო საქართველოს სასოფლო მშენებლობის სამინისტროს N2 სამშენებლო ტრესტის სამმართველოს მთავარი ინჟინერი, ამავე ტრესტის მთავარი ინჟინრის მოადგილე; 1980-1996წწ. ხელმძღვანელობდა ამიერკავკასიის რკინიგზის სამტრედიის სამოქალაქო ნაგებობათა დისტანციის სამმართველოს და საქართველოს მინისტრთა საბჭოსთან არსებული კაპიტელური მშენებლობის მთავარი სამმართველოს სამტრედიის სარაიონთაშორისო კაპიტალური მშენებლობის სამმართველოს; სხვადასხვა დროს მუშაობდა ქ. სამტრედიის მერიაში, სამტრედიის რაიონული მუნიციპალიტეტის თავმჯდომარედ; სამშენებლო-საწარმოო გაერთიანება "იმერეთი-1-ის" სისტემაში სხვადასხვა თანამდებობაზე.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.155-156