ვასო მახარაძე

დაამთავრა თბილისის პოლიტექნიკური ინსტიტუტი.

სკოლის გუნდში წამყვანი მომღერალი იყო; თექვსმეტი წლისამ ლანჩხუთის საშუალო სკოლაში დამოუკიდებლად შექმნა გუნდი, რომელიც საზეიმო კონცერტებს მართავდა; სკოლის დამთავრების შემდეგ მუშაობა დაიწყო ჩაქვში, ციხისძირის საბჭოთა მეურნეობაში, სადაც ფიცრულ კლუბში ჩამოაყალიბა მომღერალთა გუნდი, რომლის ხელმძღვანელები იგი და მისი უფროსი ძმა, ლევან მახარაძე იყვნენ; 1930 წელს პოლიტექნიკური ინსტიტუტის გუნდით მრავალჯერ მოემსახურა ამ სასწავლებლის პედაგოგებსა და სტუდენტებს; უმაღლესის დამთავრების შემდეგ კარგა ხანს მშენებელ-ინჟინრად მუშაობდა; შემდეგ არტელ "რეკორდში" ჩამოაყალიბა გუნდი(ხელმძღვანელი ალექსანდრე მახარაძე), მასში მღეროდნენე ძმები; ისინი საჭიროების შემთხვევაში გუნდის ხელმძღვანელობასაც ეწეოდნენ, ხოლო ალექსანდრე მახარაძის გარდაცვალების შემდეგ(1933), გუნდის გაძღოლა ორივე ძმას დაეკისრა; საქკოოპინკავშირმა ჩამოაყალიბა ახალი მრავალრიცხოვანი ანსამბლი(ხელმძღვანელი ვასო, ხოლო ლევანი ინსტრუმენტული ჯგუფის ხელმძღვანელი); მალე ანსამბლი დაიშალა, მაგრამ მათ ფარ-ხმალი არ დაყარეს, რამდენიმე მომღერლის დახმარებით მრავალი კონცერტი გამართეს; 1944-1949წწ. ძმები რადიოკომიტეტის გუნდში მღეროდნენ(ხელმძღვანელი ავქსენტი მეგრელიძე); კოოპინკავშირის გუნდი კვლავ აღდგა, ვასო მახარაძე ისევ ხელმძღვანელი იყო, ხოლო მისი ძმა, ლევანი კვლავ ინსტრუმენტულ ჯგუფს განაგებდა; მეექვსე და მეშვიდე რესპუბლიკურ ოლიმპიადებზე ანსამბლმა წარმატება მოიპოვა; ვასო მახარაძეს ევალებოდა საგუნდო წრეების მუშაობის შემოწმება და მათთვის მეთოდური დახმარების გაწევა; მან მერვე რესპუბლიკურ ოლიმპიადაზე ახალციხის და ადიგენის გუნდები გამოიყვანა, წარამტება დიდი იყო; ათ წელზე მეტი ხნის განმავლობაში იყო კულტსაგანმანათლებლო სასწავლებლის საგუნდო-სადირიჟორო განყოფილებაზე პედაგოგი, სადაც აღზარდა მრავალი ნიჭიერი ახალგაზრდა, რომლებმაც დიდათ ისახელეს თავი; ლოტბარი.

წყარო: ხალხური სიმღერის მოამაგენი.-თბ., 2007.-გვ. 150

• ხალხური შემოქმედების რესპუბლიკური სახლის სამხატვრო საბჭო, წევრი

• საქართველოს ხელოვნების დამსახურებული მოღვაწე