გიორგი გოგოლაძე

დაბადების ადგილი: სოფელი ბჟინევი, ხარაგაულის რაიონი.

დაამთავრა ქ. თბილისის მეტალურგიული ტექნიკუმი 1951 წელს; საქართველოს პოლიტექნიკური ინსტიტუტი საავტომობილო მაგისტრალებისა და საქალაქო გზების მშენებლობის სპეციალობით 1956 წელს.

1944-1947წწ. მუშაობდა მაგნიტოგორსკის მეტალურგიულ კომბინატსა და როსტოვის ოლქის ქ. კრასნოსულინსკის მეტალურგიულ ქარხანაში ხიდური ამწის მემანქანედ; 1956-1961წწ. იყო საქართველოს სსრ მინისტრთა საბჭოსთან არსებული გზატკეცილების მთავარი სამმართველოს N3 საგზაო სამშენებლო რაიონში სამუშაოთა მწარმოებელი; ამავე სამმართველოს გაგრის N3 საგზაო სარემონტო-სამშენებლო სამმართველოს სამუშაოთა მწარმოებელი, უფროსი სამუშაოთა მწარმოებელი; 1968-1992წწ. მუშაობდა საქართველოს სსრ საავტომობილო გზების სამინისტროს N32 და N41 საგზაო-საექსპლუატაციო სამმართველოების მთავარ ინჟინრად, N41 საგზაო-საექსპლუატაციო სამმართველოს უფროსად; 1992-2006წწ. საქართველოს საავტომობილო გზების დეპარტამენტის სადისპეტჩერო სამსახურის უფროს ინჟინრად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.156

• საქართველოს საპატიო მეგზევე