პოლიევქტ გაჩეჩილაძე

დაბადების ადგილი: სოფელი ობჩა, ახლანდელი ბაღდათის რაიონი.

გამოქვეყნებული აქვს წერილები ქართული ენის დიალექტოლოგიის, ლექსიკოგრაფია-ლექსიკოლოგიის დარგში. ამასთანავე ნაყოფიერად იკვლევდა ქართული ენის სტრუქტურის საკითხებს და სხვადასხვა ლექსიკური ერთეულის ეტიმოლოგიას. მისი ნაშრომებიდან აღსანიშნავია: "მებადურთა მისალმების ფორმულა ხანისწყლის ხეობაში" (1946), "იმერული დიალექტის ხანურ-ზეგნური მეტყველება" (1965), "ქართლურის სალექსიკონო მასალა" (1970), "ქართული ლექსიკოგრაფია-ლექსიკოლოგიის ისტორიისათვის" (1959), "ეტიმოლოგიური შენიშვნები (ცივი, ცივცივი, ციცინათელა)" (1974), "უვის ზმნის ეტიმოლოგიისათვის" (1974), "კუედ ფუძის სტრუქტურისათვის" (1979) და სხვ. იგი მონაწილეობდა "ქართული ენის განმარტებითი ლექსიკონის" (ტომი 1-8, 1950-1964) მომზადებაში (VII ტომის ერთ-ერთი რედაქტორი). ფილოლოგიის მეცნიერებათა კანდიდატი (1953). ლექსიკოლოგი.

წყარო: საქართველო: ენციკლოპედია: ტ.I.–თბ., 1997. გვ.568; ქართული ენა : ენციკლოპედია.-თბ., 2008.-გვ.107

• 1971 - საქართველოს სახელმწიფო პრემია
  "ქართული ენის განმარტებითი ლექსიკონის"(ტომი1-8, 1950-1964) მომზადებაში(VII ტომის ერთ-ერთი რედაქტორი)

• იმერული დიალექტის სალექსიკონო მასალა (ავტორი). - თბილისი, მეცნიერება, 1976. - 182გვ.