ივანე ჯავახიშვილი

დაბადების ადგილი: ქ. თელავი.

1932-1935წწ. სწავლობდა თბილისის რუსთაველის სახელობის თეატრის სტუდიაში.

1935 წლიდან შოთა რუსთაველის სახელობის თეატრის მსახიობია. ამ თეატრში მან განასახიერა როლები: ზურიკო (ს. შანშიაშვილის "არსენა"), ქობულა (ს. მთვარაძის "შლეგი"), ლექსო (თ. დონჟაშვილის "გამარჯვებულთა ღიმილი"), ცქიფა (ალ. ყაზბეგის "ხევისბერი გოჩა") და სხვა; გამოდიოდა ესტრადაზეც; დაწერილი აქვს პიესები: "ჩრდილი ყვავილებზე", "ვაზისუბნელი ძმაკაცები", "უქნარა", "ქორწილი სოფელში" და სხვა, რომლებიც იდგმეობდა რესპუბლიკის სახელმწიფო და სახალხო თეატრებში. წერდა მუსიკას სიმღერებისათვის ფანდურის თანხლებით. ესენია: "ბაღში გაგიცან პირველად", "მე ამ ქვეყნად ყველა მიყვარს", "სიმღერა დედაზე", "სატრფიალო", "შორს ცისკარი რომ იღება", "სიმღერა სამშობლოზე". ავტორია მუსიკისა სიმღერებისათვის "ვეფხისა და მოყმის ბალადა". თავადაც სიმღერების უბადლო შემსრულებელი იყო.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.39

• 1952 - საქართველოს დამსახურებული არტისტი