ვალერი გოგოლაძე

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1973 წელს.

შრომითი საქმიანობა დაიწყო ჯერ კიდევ სტუდენტობის წლებში; 1974-1975წწ. ხელმძრვანელობდა საქართველოს მშენებლობის სამინისტროს ბორჯომის N12 სამშენებლო ტრესტის საწარმოო-ტექნიკურ განყოფილებას, 1976-1978წწ. საქართველოს საავტომობილო გზების სამინისტროს ადგილობრივი გზების სამმართველოს ბორჯომის უბანს; 1978-1981წწ. იყო საქართველოს კპ ბორჯომის რაიკომის მშენებლობისა და მრეწველობის განყოფილების გამგე; 1981-2011წწ. ხელმძღვანელობდა საქართველოს სოფლის მეურნეობის სამინისტროს N1 სამშენებლო-სარემონტო ტრესტისა და სპორტის დეპარტამენტის ტრესტ "საქსპორტრემმშენის" ბორჯომის სამმართველოებს; 2011 წლიდან მუშაობს ბორჯომის სამშენებლო მასალებისა და ნაკეთობების საწარმოში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.157