ჯემალ გოგორიშვილი

დაბადების ადგილი: ქ. თბილისი. 

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1962 წელს.

ინსტიტუტის დამთავრების შემდეგ მუშაობდა საპროექტო ინსტიტუტ "საქსოფლმშენსახპროექტის" ინჟინრად, ასევე, საქართველოს მსუბუქი მრეწველობის სამინისტროს სისტემაში ინჟინერ-დამპროექტებლად, სამუშაოთა მწარმოებლად; მუშაობდა საქართველოს სოფლის მეურნეობის სამინისტროს კაპმშენებლობის განყოფილების გამგედ, რესპუბლიკური გაერთიანება "საქცხოველმრეწვის" მთავარ ინჟინრად; სხვადასხვა დროს მუშაობდა ს/კ ინსტიტუტის დირექტორის მოადგილედ, საქართველოს მინისტრთა საბჭოს უფროს რეფერენტად, საქართველოს კპ ცენტრალური კომიტეტის ინსტრუქტორად; იყო საქართველოს სასოფლო მშენებლობის მინისტრის მოადგილე, შემდგომ რესპუბლიკური გაერთიანება "საქსოფლმშენის", კონცერნ "საქსოფლმშენის" ვიცე-პრეზიდენტი; 1995 წლიდან შპს "გზის" გენერალური დირექტორია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.158