ალექსანდრე ყალაბეგიშვილი

დაბადების ადგილი: ქ. ქუთაისი.

დაამთავრა თბილისის ქართული გიმნაზია.

1898-1900 წლებში მოღვაწეობდა ნაძალადევის დრამწრეში. 1900-1902  წლებში იყო რეჟისორის თანაშემწე ავჭალის აუდიტორიაში. სხვადასხვა წლებში მუშაობდა: თბილისის ქართულ დასში (1902-1907 და 1914-1915 რეჟისორის თანაშემწედ და მსახიობად); ჭიათურის თეატრში (1907-1908 მსახიობად); ქუთაისში, ბალანჩივაძის დასში (1908-1912 რეჟისორის თანაშემწედ); ქუთაისში, შ. დადიანის დასში (19125-1920წწ.); თბილისის დრამატულ თეატრში (1920-1921); ბათუმის თეატრში (1928-1937 მსახიობად). ალ. ყალაბეგიშვილის მიერ შესრულებული როლებიდან აღსანიშნავია: ოთარბეგი, ანანია (ა. სუმბათაშვილის "ღალატი"), ზაქარია, სირაჯი (ს. შანშიაშვილის "არსენა"), გივი (ა. წერეთელს "პატარა კახი"), სვიმონი(დ. ერისთავის"სამშობლო"), ნიკო ბენდიაშვილი, ბაღდავაძე (პ. ირეთელის "დამარცხებულნი"), ფეოდოსი (ა. სუხოვო-კობილინის  "კრეჩინსკის ქორწინება") და სხვ.

წყარო: ხელოვნების კალენდარი: თეატრი, მუსიკა, კინო.- თბ., 1993.- გვ.23; საქართველოს ეროვნული არქივი: ნიკოლოზ საღარაძის ფოტოკოლექცია: archive.gov.ge გვ.97