ელდარ სახლთხუციშვილი

დაბადების ადგილი: ქ. თბილისი. 

დაამთავრა შოთა რუსთაველის სახელობის სახელმწიფო თეატრალური უნივერსიტეტი 1956 წელს.

1956-1957 წლებში მუშაობს სოხუმის თეატრის ქართულ დასში. 1957 წლიდან რუსთაველის სახელობის თეატრის მსახიობია. მის მიერ განსახიერებული როლებიდან აღსანიშნავია: ვარამი (ა. აფხაიძის "არაგველები"), ლექსო (ო. მამფორიას "მეტეხის ჩრდილში"), თავერა, ლიმონა(ნ. დუმბაძის "მზიანი ღამე", "საბრალდებო დასკვნა"), ელდარი (რ. ებრალიძის, ს. დოლიძის "ჩვენ მისი უდიდებულესობა"), მონტეგი (უ. შექსპირის "რომეო და ჯულიეტა"), პარტყუ (ნ. წულეისკირის "თუთარჩელა"), დიმიტრი (მ. ჯავახიშვილის "ქალის ტვირთი"), პეპო (გ. სუნდუკიანის "პეპო"), მთქმელი (ა. გრიფიუსის "ქეთევან წამებული"), კაპიტანი ქობალავა (ალ. ჩხაიძის "სამიდან ექვსამდე"), ტყის მჭრელი (გ. ლორკას "სისხლიანი ქორწილი") და სხვა. ე. სახლთხუციშვილი გადაღებულია ფილმებში: "გალობის რაინდები" (2010), "ოქროს ობობა" (1992), "ყველაზე სწრაფები მსოფლიოში" (1985), "სამი ალიყური" (1982).

წყარო: ხელოვნების კალენდარი: თეატრი, მუსიკა, კინო.- თბ., 1993.- გვ.23; www.geocinema.ge

• 1981 - საქართველოს დამსახურებული არტისტი