ალბერტ გორდაძე

დაბადების ადგილი: ქ. ხონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1955 წელს.

სხვადასხვა დროს მუშაობდა საქართველოს სამონტაჟო და სპეციალური სამუშაოების მთავარი სამმართველოს ("საქმთავარმონტაჟსპეცმშენის") სპეც. სამონტაჟო ტრესტ "მექანმონტაჟის" რუსთავის სამმართველოში უბნის უფროსად, სამმართველოს უფროსის მოადგილედ, მთავარ ინჟინრად, ტრესტ "მექანმონტაჟის" მმართველის მოადგილედ, ტრესტ "სპეცმონტაჟის" მმართველად; მონაწილეობდა რუსთავის მეტალურგიული ქარხნის, ქიმიური კომბინატის, ტაბახმელის ბიოკომბინატის, ხაშურის მინის ტარის, კასპის ცემენტის, გორისა და კასპის საკონსერვო ქარხნების, რესპუბლიკური საავადმყოფოს, გორის ბამბეულისა და თბილისის მაუდ-კამვოლის კომბინატების, საცხოვრებელი სახლების, კულტსაგანმანათლებლო ობიექტების სპეცსამონტაჟო სამუშაოების შესრულებაში. 

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.161