თევდორე გარსევანიშვილი

დაბადების ადგილი: ქ. გორი.

დაამთავრა თბილისის საფრენოსნო სკოლა 1941 წელს; კარსნოდარის საპილოტო სასწავლებელი 1944 წელს.

II მსოფლიო ომის დროს იბრძოდა უკრაინის I ფრონტზე. პოლონეთის და ჩეხოსლოვაკიის განთავისუფლების, ბერლინის აღებისა და კვანტუნის არმიის წინააღმდეგ ბრძოლების (1945) მონაწილე. მის ანგარიშზეა 74 საბრძოლო გაფრენა, ჩამოაგდო მტრის 7 თვითმფრინავი. მონაწილეობდა სამხედრო აეროდრომების მშენებლობასა და დაგეგმარებაში. კიევის მახლობლად, ბროვანში მემორიალად დგას ომში გადარჩენილი მისი საბრძოლო თვითმფრინავი. დაჯილდოებულია მრავალი მედლით და უცხოური ჯილდოებით. სამხედრო მოღვაწე. ავიაციის პოლკოვნიკი. რთულ მეტეოროლოგიურ პირობებში ფრენის ხანგრძლივობის რეკორდის მფლობელი (1967-1979). გარდაიცვალა ქ. კიევში.

წყარო: საქართველო: ენციკლოპედია: ტ.I.–თბ., 1997. გვ.563

• 1967 - სსრკ დამსახურებული მფრინავი (სამხედრო)
• წითელი ვარსკვლავის ორდენი (3 ორდენი)
• წითელი დროშის ორდენი