ეთერ დავითაია

დაბადების ადგილი: სოფელი ონტოფო, აბაშის რაიონი.

1938 წელს დაამთავრა თბილისის მეორე საცდელ-საჩვენებელი სკოლა. იმავე წელს შევიდა და 1942 წელს დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი.

1942-1943წწ. მუშაობდა ბოლნისის საშუალო სკოლაში პედაგოგად. 1944-1949წწ. სწავლობდა შოთა რუსთაველის სახელობის სახელმწიფო თეატრალური ინსტიტუტის თეატრმცოდნეობის ფაკულტეტზე; 1950-1952წწ. მუშაობდა საქართველოს თეატრალური საზოგადოების მსახიობის ოსტატობისა და რეჟისურის კაბინეტის გამგედ; 1952-1954წწ. პასუხისმგებელ მდივნად; პარალელურად მარჯანიშვილის სახელობის სახელმწიფო თეატრში სამხატვრო საბჭოს მდივნად; 1956 წლიდან მუშაობდა საქართველოს შოთა რუსთაველის სახელობის თეატრალურ ინსტიტუტში თეატრის ისტორიის კაბინეტის უმცროს ლაბორანტად; 1970 წლიდან - სამეცნიერო თანამშრომლად; გამოქვეყნებული აქვს წიგნები; მისი სტატიები და პუბლიკაციები იბეჭდებოდა ქართულ ჟურნალ-გაზეთებში.

დისერტაციის თემა - "რევოლუციამდელი ქართული თეატრი სამსახიობო შემოქმედების განზოგადებისათვის" (კოტე ყიფიანის მაგალითზე)", დაიცვა 1975 წელს.

წყარო: საიუბილეო თარიღები: თეატრი, მუსიკა, კინო.- თბ., 1991. -გვ.46

• მარჯანიშვილისა და ახმეტელის ერთობლივი დადგმები (ავტორი). - თბილისი, ხელოვნება, 1981. - 167გვ.
• კოტე ყიფიანი : მსახიობის ცხოვრება და მოღვაწეობა (ავტორი). - თბილისი, ხელოვნება, 1975. - 247გვ.
• მერაბ ხინიკაძე : საქ. სსრ სახალხო არტისტი [დრამ. თეატრის] (ავტორი). - ბათუმი, სახელგამი, 1957. - 104გვ.
• ნინო ჩხეიძე : მონოგრაფია (ავტორი). - თბილისი, ხელოვნება, 1955. - 80გვ.