მიხეილ გოცირიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ელექტროტექნიკური ფაკულტეტი 1964 წელს.

1957-1967წწ. მუშაობდა ქარხანა "ელექტროავტომატში"; 1967-1978წწ. ტრესტ "კავკასელექტროქსელმშენში"; 1978-1985წწ. მივლინებული იყო ირანის ისლამურ რესპუბლიკაში ელექტროგადამცემი ხაზების მშენებლობაზე საბჭოთა სპეციალისტების ჯგუფის ხელმძღვანელად; 1985 წელს დაინიშნა ტრესტ "კავკასელექტროქსელმშენის" N8 მექანიზებული კოლონის უფროსად; 1988 წლიდან - ელექტროგადამცემი ხაზებისა და ქვესადგურების სამშენებლო შპს "კავკასიონის" გენერალურ დირექტორად; 2003-2006წწ. ხელმძღვანელობდა შპს "ენერგოტრანსს"; აქტიურად იყო ჩართული საქართველოს, აზერბაიჯანის, სომხეთის, მოლდოვის, ბელორუსის, უკრაინისა და რუსეთის მთელი რიგი ცენტრალური რაიონების ენერგეტიკისა და ელექტროფიკაციის განვითარებაში; მისი მონაწილეობით აშენებულ და საექსპლუატაციოდ გაშვებულ ობიექტებს შორისაა: საქართველო-რუსეთის, სომხეთ-თურქეთის, რუსეთ-ჩეხოსლოვაკიის, რუსეთ-პოლონეთის, კურსკის ატომურ სადგურ-ჩრდილოეთ უკრაინის, ტიხორეცკ-ვოლგოდონსკის (როსტოვის ოლქში), ბალალოვოს ატომურ სადგურ-ტრუბნაიას (სარატოვსა და ვოლგოგრადის ოლქში), ვოლგოდონსკ-შახტის (როსტოვის ოლქში), "აზერბაიჯანის სრეს-აფშერონის", "აზერბაიჯანის სრეს-მუხრანის ველის" (აზერბაიჯანი-საქართველო) და სხვა ელექტროსისტემების შემაერთებელი 220, 400, 500 და 750 კვ-იანი მაღალი ძაბვის ელექტროგადამცემი ხაზები; განსაკუთრებით უნდა აღინიშნოს 1500 კვ ძაბვის სიმძლავრის ელექტროგადამცემი ხაზის "ეკიბას-ტუზი-ცენტრის" 80 კმ-იანი მონაკვეთი სარატოვის ოლქში, რომელსაც მსოფლიოში ანალოგი არა აქვს.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.166; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.256; წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 90-91

• 1999 - ღირსების ორდენი
  საქართველოში მაღალი ძაბვის ელექტროგადამცემი ხაზების მშენებლობა - განვითარებაში შეტანილი პირადი წვლილის, მაღალი პროფესიონალიზმისა და ნაყოფიერი საზოგადოებრივი საქმიანობისათვის