შალვა ხაჩიძე

დაბადების ადგილი: დაბა წაღვერი, ბორჯომის რაიონი. 

დაამთავრა მოსკოვის I სამედიცინო ინსტიტუტის სანიტარულ-ჰიგიენური ფაკულტეტი 1932 წელს.

1938-1939 წლებში იყო თბილისში სანიტარიისა და ჰიგიენის ინსტიტუტის დირექტორი. 1939-1941 წლებში თბილისის სამედიცინო ინსტიტუტის კომუნალური ჰიგიენის კათედრის გამგე. 1945 წლიდან გარდაცვალებამდე სანიტარიისა და ჰიგიენის სამეცნიერო კვლევით ინსტიტუტში ხელმძღვანელობდა კომუნალური ჰიგიენის განყოფილებას. იგი ძირითადად შეისწავლიდა საქართველოს მდებარეობისა და შავი ზღვის სანაპიროების გაბინძურების, ღია წყალსატევეების თვითგაწმენდის საკითხებს, საქართველოს ნიადაგქვეშა რესურსების სანიტარულ მდგომარეობას და სხვა. დაჯილდოებულია მედლებით. ჰიგიენისტი, მედიცინის მეცნიერებათა დოქტორი (1962), პროფესორი (1965).

წყარო: ქართული საბჭოთა ენციკლოპედია: ტ. 11.-თბ., 1987.-გვ.446

• 1969 - საქართველოს მეცნიერებათა დამსახურებული მოღვაწე

• საქართველოს სსრ წყალსატევების სანიტარული დაცვის საკითხისათვის (ავტორი). - თბილისი, საბჭ. საქართველო, 1958. - 183გვ.
• თბილისის მოსახლეობის წყალმომარაგება სანიტარულ-ჰიგიენური თვალსაზრისით : მედიცინის მეცნ. კანდ. სამეცნ. ხარისხის მოსაპოვებელი დისერტაციის თეზისები (ავტორი). - თბილისი, საქმედგამი, 1949. - 8გვ.