გრიგოლ გეგენავა

დაბადების ადგილი: სოფელი ძიმითი, ახლანდელი ოზურგეთის რაიონი.

დაამთავრა თბილისის სახელმწიფო უნივერსიტეტის ქიმიის ფაკულტეტი 1941 წელს.

1963-1974წწ. იყო საქართველოს მცენარეთა დაცვის სამეცნიერო-კვლევითი  ინსტიტუტის დირექტორის მოადგილე  სამეცნიერო ნაწილში, 1974-1977წწ. საქართველოს სოფლის მეურნეობის სამინისტროს მეცნიერებისა და პროპაგანდის მთავარი სამმართველოს უფროსი, 1977-1983წწ. საქართველოს სასოფლო-სამეურნეო ინსტიტუტის (აგრარული უნივერსიტეტი) პრორექტორი სამეცნიერო დარგში, 1984-1991წწ. საკავშირო სასოფლო-სამეურნეო მეცნიერებათა აკადემიის ამიერკავკასიის რეგიონალური განყოფილების (საქართველოს სოფლის მეურნეობის მეცნიერებათა აკადემია) პრეზიდიუმის თავმჯდომარის პირველი მოადგილე, 1991 წლიდან საქართველოს აგრარული უნივერსიტეტის მცენარეთა ინტეგრირებული დაცვის კათედრის პროფესორი. გრიგოლ გეგენავა იკვლევდა სასოფლო-სამეურნეო კულტურების მავნე ორგანიზმების წინააღმდეგ ბრძოლის ქიმიურ საშუალებებს, მათი გამოყენების პირობებსა და რეგლამენტს. მიღებული აქვს სახელმწიფო ჯილდოები. დაჯილდოებულია "სამამულო ომის II ხარისხის", "წითელი ეარსკელავის", "საპატიო ნიშნის", "შრომის წითელი დროშის" ორდენებით და მედლებით: "საბრძოლო დამსახურებისათვის", "კავკასიის დაცვისათეის", "ბულგარეთის განთავისუფლებისათვის", "ბუდაპეშტის აღებისათვის". ვიეტნამის დემოკრატიული რესპუბლიკის მედლით "მეგობრობა". არის 122 ნაშრომისა და 2 სახელმძღვანელოს ავტორი. II მსოფლიო ომის მონაწილე. სოფლის მეურნეობის მეცნიერებათა დოქტორი (1967), პროფესორი (1971). აგროტოქსიკოლოგი.

წყარო: საქართველო: ენციკლოპედია: ტ.I.–თბ., 1997. გვ.571; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.353;  ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 24-25

• საქართველოს სოფლის მეურნეობის მეცნიერებათა აკადემია, აკადემიკოსი (1994-)

• 1998 - ღირსების ორდენი
  სტუდენტი-ახალგაზრდობის აღზრდა-განათლებაში შეტანილი პირადი დიდი წვლილისა და ნაყოფიერი სამეცნიერო მოღვაწეობისათვისთვის
• 1980 - საქართველოს მეცნიერებათა დამსახურებული მოღვაწე

• აგროტოქსიკოლოგიური კვლევის მეთოდები : დამხმ. სახელმძღვ. (ავტორი). - თბილისი, 1992. - 76გვ.
• მცენარეთა ქიმიური დაცვის საშუალებები. პესტიციდები : მოკლე ცნობარი (ავტორი). - თბილისი, საბჭ. საქართველო, 1984. - 166გვ.
• ზოგიერთი სიახლე მცენარეთა დაცვაში (ავტორი). - თბილისი, საბჭ.საქართველო, 1983. - 109გვ.
• მცენარეთა ქიმიური დაცვის მეთოდები და საშუალებები (ავტორი). - თბილისი, საბჭ.საქართველო, 1979. - 183გვ.